నవదీప్, నవీన్‌చంద్ర హీరోలుగా, పూజ హీరోయిన్‌గా ఆర్‌.సి.సి. ఎంటర్‌టైన్‌మెంట్స్‌ పతాకంపై కార్తీక్‌వర్మ దండు దర్శకత్వంలో శిరువూరి రాజేష్‌వర్మ నిర్మించిన ఫుల్‌లెంగ్త్‌ ఎంటర్‌టైనర్‌ ‘భమ్‌ బోలేనాథ్‌’. ఈ చిత్రం సెన్సార్‌ కార్యక్రమాలు పూర్తి చేసుకొని ఫిబ్రవరి 14న వాలెంటైన్స్‌ డే సందర్భంగా రిలీజ్‌ అవుతోంది. ఈ సందర్భంగా ఈ చిత్ర యూనిట్ విశేషాలను తెలిపేందుకు మంగళవారం విలేకరుల సమావేశం ఏర్పాటు చేసారు . ఈ ప్రెస్ మీట్ లో నటులు నవదీప్, నవీన్ చంద్ర, తాగుబోతు రమేష్‌,మరియు నిర్మాత శిరువూరి రాజేష్‌వర్మ, కార్తీక్‌వర్మ దండు పాల్గొన్నారు.
ఈ చిత్ర హీరోలలో ఒకరైన నవీన్ చంద్ర మాట్లాడుతూ " ఆడియో చాలా మంచి హిట్‌ అయింది. అలాగే టైటిల్‌కి చాలా మంచి రెస్పాన్స్‌ వస్తోంది. ఈ చిత్రాన్ని స్టూడెంట్సే కాకుండా ఫ్యామిలీ ఆడియన్స్‌ కూడా చూసి ఎంజాయ్‌ చేసే విధంగా వుంటుంది. ఫిబ్రవరి 14న అందరూ థియేటర్స్‌లో మా చిత్రాన్ని చూసి ఆదరిస్తా"రని కోరుకుంటున్నానని తెలిపారు .
మా ‘భమ్‌ బోలేనాథ్‌’ సెన్సార్‌ పూర్తి చేసుకొని యు/ఎ సర్టిఫికెట్‌ పొందింది. ఈ చిత్రాన్ని చూసిన సెన్సార్‌ సభ్యులు కూడా సినిమా చాలా బాగుందని, ఫ్యామిలీతో కలిసి చూసే సినిమా అని చెప్పారు. ఆల్రెడీ ఆడియో చాలా పెద్ద హిట్‌ అయింది. ముఖ్యంగా టైటిల్‌ సాంగ్‌, డూయెట్‌ సాంగ్‌కి చాలా మంచి రెస్పాన్స్‌ వస్తోంది. సినిమాకి చాలా మంచి పాజిటివ్‌ టాక్‌ వుంది. తప్పకుండా ఈ సినిమా అందరికీ నచ్చుతుంద'ని నవదీప్ ఆశాభావం వ్యక్తం చేసారు.
Comments