ఎన్.టి.ఆర్ ఈజ్ బ్యాక్, ఓ రేంజ్ లో రికార్డ్స్ సృష్టిస్తున్నాడు.. ఎక్కడ, ఎలా అనుకుంటున్నారా.? ఎన్.టి.ఆర్ డాషింగ్ డైరెక్టర్ పూరి జగన్నాధ్ తో కలిసి చేసిన 'టెంపర్' తో తెలుగు ప్రేక్షకుల ముందుకు రానున్నాడు. ఎన్.టి.ఆర్ ఇది వరకూ ఎప్పుడు కనిపించనంత స్టైలిష్ లుక్ లో, న్యూ డైలాగ్ డెలివరీ, కొత్త బాడీ లాంగ్వేజ్ తో రానున్న ఈ సినిమాపై అభిమానుల్లో భారీ అంచనాలు నెలకొన్నాయి. ఇటీవలే విడుదల అయిన పాటలు , ట్రైలర్ కి సూపర్బ్ రెస్పాన్స్ వస్తోంది. అంతే కాకుండా యు ట్యూబ్ లో ఈ సినిమా ట్రైలర్ సెన్సేషన్ క్రియేట్ చేస్తోంది.రికార్డ్ స్థాయిలో 12,92,475 + వ్యూస్ ని సాధించి రికార్డ్ సృష్టించింది. ఈ రికార్డ్ ని చాలా తక్కువ సినిమాలు మాత్రమే సాధించగలిగాయి. అంతే కాకుండా యు ట్యూబ్ టాప్ లిస్టు లో కంటిన్యూగా కొనసాగుతోంది. దీన్నిబట్టే ఈ సినిమాపై ప్రేక్షకులలో ఏ రేంజ్ అంచనాలు ఉన్నాయనేది తెలుస్తుంది. ఇక ఈ సినిమాతో ఎన్ టి ఆర్ దండయాత్ర మొదలవుతుందని అభిమానులు ఆశాభావం వ్యక్తం చేస్తున్నారు .షూటింగ్ మొత్తం పూర్తి చేసుకొని పోస్ట్ ప్రొడక్షన్ కార్యక్రమాలను పూర్తి చేసుకునే స్టేజ్ లో ఉన్న ఈ సినిమా ఫిబ్రవరి 13న రిలీజ్ కానున్నది. కాజల్ అగర్వాల్ ఈ సినిమాలో హీరోయిన్ గా నటించింది. అనూప్ మొదటిసారి ఎన్ టి ఆర్ సినిమాకి స్వరాలని అందించాడు.
Comments